अदालतभित्र बाबु–छोरीको टक्कर स् ‘सिस्टम’को ट्रेलर सार्वजनिक ,सोनाक्षी सिन्हा र ज्योतिकाको  संघर्षको कथा

सिस्टम को ट्रेलर सार्वजनिक भएको छ। मंगलबार सार्वजनिक करिब दुई मिनेट लामो ट्रेलरमा अदालतभित्रको कानुनी लडाइँ, पारिवारिक दबाब र सामाजिक असमानताको कथा प्रस्तुत गरिएको छ।

फिल्ममा सोनाक्षी सिन्हा महत्वाकांक्षी वकिल ‘नेहा’को भूमिकामा देखिएकी छन्। उनी आफ्नो बाबु तथा चर्चित कानुनी फर्मका प्रमुखको भूमिकामा रहेका आशुतोष गोवारिकर लाई आफू सक्षम रहेको प्रमाणित गर्न १० वटा मुद्दा जित्ने चुनौती सामना गर्छिन्।

नेहाले अदालतकी स्टेनोग्राफर ‘सारिका’ बनेकी ज्योतिका सँग सहकार्य गर्छिन्। तर ट्रेलरले सारिकाको आफ्नै गोप्य उद्देश्य रहेको संकेत दिएको छ, जसले कथालाई थप रहस्यमय बनाएको छ।

निर्देशक अश्विनी अय्यर तिवारी ले फिल्ममार्फत न्याय प्रणालीभित्रको शक्ति संघर्ष, पारिवारिक सम्बन्ध र सामाजिक विभेदका विषय उठाएकी छन्।

फिल्म ओटिटी प्लेटफर्म Prime Video India  मा मे २२ देखि स्ट्रिम हुनेछ।